| 一切由洗面開始 |
仲記得開始多客會返轉頭搵返自己做嘅時候，我都會多口問多句，十個有九個都有提及過洗面呢個小環節。
👵🏻:一落手洗面已經知你有經驗
👩🏻:塊面俾你洗先真正乾淨
👩🏻🦰:俾你洗面真係舒服到想訓着
👱🏻♀️:出面洗面真係省車咁洗架
👩🏻🌾🧑🏻🌾👩🏻🌾
Blablabla…. 然後就開始諗，一定要將呢個一般被忽略嘅項目做得更好，所以由落妝到洗面每個動作都精益求精！事關做facial係要令皮膚得到營養同改善，如果連第一步嘅清潔都做唔好，冇營養落到皮膚之餘，當皮膚負荷過重，角質堆厚形成毛孔阻塞，莫講話想改善，咁只會變左越做越差嘞！
👩🏻🌾🧑🏻🌾👩🏻🌾
其實一般落妝前除左先用棉花棒卸走 mascara同eyeliner ，下一步係會分輕妝同重妝去做，輕妝例如只上防曬粉同胭脂，就會簡單用卸妝棉抹全面，重妝例如粉底遮瑕粉餅陰影等等，就會直接用手將卸妝油以打圈推抹方式先做溶解，再加清水打圈白化，最後先用濕棉花抹走。
而下一步嘅洗面呢，一般洗兩次，如果做有肩頸項目嘅𝘧𝘢𝘤𝘪𝘢𝘭我地都會連頸一齊洗，由頸一路打圈向上洗，老實講有一定經歷嘅美容師係不經意就將洗面做到按面咁舒服！(前提係識按呀下) 有心機嘅真係幫你洗耐少少，要記住我地用嘅唔係家用嘅泡泡潔面產品，係溫和好多嘅洗面奶，所以絕對可以放心俾我地慢慢洗💆🏻♀️
👩🏻🌾🧑🏻🌾👩🏻🌾
落妝洗面真係冇得貪快，做facial係好relax嘅一件事，忙裡偷閒只有個半鐘，都要咁趕急省車咁洗你塊面，咁難受究竟對皮膚好定為左盡快完成？我地目的係想你可以喺咁疲乏困倦嘅生活裡面搵返一個喘氣嘅空間，留個半鐘俾我地，靜靜地幫你淨化一下( 除非你想同我地傾計，thx 😉)
Yorumlar