細個上堂讀美容美甲營養加marketing
( 係呀係一次過學晒.. )
啲功課又要蠟頭影相又要作文
死背爛背啲皮膚學本野字典咁厚
拾下拾下咁對住啲鬼婆考國際試
又俾我考得晒
去到間美容院度做學徒
倒垃圾換水摺毛巾濕棉花剪紗布
幫手洗面起模執房...
練包頭都要練到要坐起身fing極唔甩
一部機隨時問你裡面咩原理咩禁忌
( 某程度我好慶幸自己喺嗰度出身，
眼見而家好似求奇識sell客就做得 )
答唔出或答錯就唔該你出返去抹野
。
直到可以入房睇人做facial
插下電制倒下模洗下面已經好開心
更加勤力做打雜博下表現
。
八個月 ( 算好快 )
終於做第一個客
係做減肥 ( 唔可以咁快掂客塊面住 )
舖床舖膠枱布落油準備暖水俾客飲
浸熱對手再上油再做G5..(舊式減肥機)
紮住個馬拎住部機邊震邊用力推
5..10..15...30分鐘
好攰，手都震埋，但好開心
。
做第一個facial，興奮到癲
小心翼翼以為萬無一失
點知唔記得較暗天花燈俾經理發現
鬧左半日
( 即使客人冇投訴 )
從此我腦海好記住
所有野都以客為先
。
做左一年多
心思思轉去大公司
先係惡夢嘅開始
.. ( err.. 有人想知先再打 )