入到大公司
( 而家仲存在 )
我驚見個休息室亂到不堪
俾客用嘅材料放喺地下
我問倒模嘅水係咪要行出reception拎
同事竟然答我用水喉水咪得..
( 我認知嘅係用飲用水/蒸餾水 )
。
經理全日就喺休息室度打機
做嘅都係call上黎嘅新客
所有新客佢地都要求check身份證
除左公司要求之外
目的就係想睇佢銀包有冇卡有冇錢..
( 所以後來我好討厭極討厭，
點解問卷要人填一個月入息係幾多！)
。
記得個客發晒炎好多暗瘡
我明明覺得佢應該要做凍頭同laser
但因為個客已經買左
個顧問就入黎不停叫佢做射頻..
( 發晒炎不能做熱能射頻! )
最終個客俾錢買左
個顧問好開心同我講
話我好旺佢..
但係，我一啲都唔開心
。
大公司細公司再大公司
再幫人開公司
中間直頭唔想再做美容
走去做美甲
不過可能自己有少少利用價值
就再被帶返入返美容呢行..
前後十幾年
都搵唔到我想要嘅野
入面啲人為左條數
真係會惡言相向出手打交..
你唔聽啲經理顧問話
就準備好俾人杯葛俾人點做阿四
所謂顧問對住啲客根本銀碼為先
佢地只係一個銷售員
什至有機會係reception轉做顧問..
真係讀過皮膚？真係知部機點做？
你俾到錢，咪幫你諗多少少囉..
連我自己都覺得
美容院真係好黑暗...
。
( Um.. 本來仲有不過太長
分開兩次po好似好啲😂 )